٧ أيام في الأردن ـ اليوم الأول: المطار

مش محتاجة اطلب bulkhead seats مش عشان امِد رجليا لقدام و اريحهم..خالص! دا عشان يبقى عندي مساحة لكل كرايبي انا و الولاد و اعرف اهري و انكت معاهم في personal space معقول من غير ما اللي قاعدين حوالينا يتضايقوا.
و لأول مرة من كتييير، اعرف احط الheadphones على ودني و اتفرج على فيلم على الطيارة، دا في حد ذاته حلم كنت فقدت الأمل في تحقيقه. ليه احلم فوق قدراتي؟ ! ليه؟!
ع
مش ممكن أكون قاعدة مسترخية كدا. عادةً في الوقت دا بكون بأكِّل إبني بإيد و بظبط الiPad لبنتي بالإيد التانية و بنفس الإيد، ماتسألونيش إزاي، بفتح الشنطة اطلع منها مية و حاجات تانية كتير في نفس الوقت.
بس انا قاعدة كدا إيدي فاضية!! ياااه..انا بحلم..اكيد بحلم
فُقت على صوت بيبي بيعيط..اتنطرت لقدام..إبني؟؟ و بعدين إفتكرت إن دا مش إبني..انا مسافرة لوحدي، من غير ولاد

بس الولاد وحشوني already