The Girl From Egypt

Spreding Positivity

SUBSCRIBE

Petra :٧ أيام في الأردن- اليوم التالت

April 29, 2016 By: Shahiracomment

Share on Facebook Share
0
0
Total Shares

image

٧ أيام في الأردن

اليوم التالت: Petra

قمنا الصبح بدري و طلعنا على Petra..حوالي تلت ساعات من عمَّان. بسمع عنها من زمان و عن قد ايه هيا منطقة أثرية جميلة.
كله قالي المشي و طلوع الجبل فيها كتير فعملت حسابي و لبست لبس الصعقة بتاعي.

عند شباك التذاكر، الأسعار كالآتي؛ الأردني بيدفع دينار واحد و الأجنبي بيدفع خمسيييين دينار(يعني حوالي خمسميت جنية مصري)
بتوع التذاكر كانوا جدعان..عرفوا إننا مصريين فدفعونا تلت دنانير للواحد.
في كل الأماكن السياحية اللي زورتها..كان بيعاملوني زي الأردنيين و يدفعوني فتافيت، دا غير ‘المصريين دو إخواتنا، مصر أم الدُّنْيَا..’ انا حبتهم اوي. بقالي كتير ماحستش بقيمتنا كمصريين!!

و إبتدينا رحلة المشي وسط الجبال العالية و المدقات الوعرة..
تلت ساعات و نصف مشي، رايح بس one way، منهم حوالي ساعة و نصف طلوع ٩٥٠ سلمة مكسرة اما رحلة النزول و الرجوع بتاع ساعتين. Workout العمر..انا مش عارفة امشي مظبوط بقالي يومين. ولا انا ولا جوزي. اللي يشوفنا ماشين مع بعض من بعيد و احنا بنعرج يقولك سبحان من وفق!

يعني لو انت معندكش اي نوع من انواع الfitness ماتروحش احسن او حضر نفسك تدفع مبلغ محترم عشان تركب جمل او حمار او بغل عشان يوصلوك لقمة الجبل.

 

IMG_6044

لما وصلنا لقمة الجبل (و وصل معانا مجموعة تانية من الناس) اللي منها ممكن تشوف حدود فلسطين مع الأردن. وقفت أبص على منظر الجبال و الخضرة و قلت لجوزي:
‘?Where’s Palestine’
ردت بنت شابة
‘?What’s Palestine’
ماردتش عليها! إيه الجهل دا..في حد مايعرفش جغرافية العالم للدرجة دي و مايكنش سمع عن فلسطين؟
و بعدين جمعت…يا بنت ال…..، قصدها إن مافيش حاجة إسمها فلسطين، في إسرائيل بس!!!
جاية تقولي الكلمتين دول هنااا؟!! اه لو حد سمعك هنا..
شوية و سألت الناس اللي حوالينا:
‘What language are guys speaking؟’
رد بنت الأرندلي و هيا مستغربة
‘!!!!English’
يا سلاااام..اكيد مبسألش بالإنجليزي عن الإنجليزي!! Da!!
‘I know English!!! I am asking about the other language THEY are speaking’
و بعدين انا مسألتهاش هيا اصلاً.
‘بت’ كدا محتاجة حد يشنكلها او ياخدها مقص عشان تقع على بقها اللي بيطلع قرف!!
يا ترى المجموعة اللي معاها مستحملين غبأها طول الرحلة إزاي؟

المهم إن Petra جميلة و ممتعة في المشي بس إلعبلك شهرين في الgym قبل ما تقرر تروح عشان حاتكوع في النص..و إنت اكيد اهلك محتاجينك.

Share on Facebook Share
0
0
Total Shares

Leave a Reply Cancel reply

You must be logged in to post a comment.

About the Girl

mmHey hey! I am Shahira Yehia, an Egyptian girl who lives in New York City. Read More…

Instagram

Follow on Instagram

Recent Posts

  • اليوم التقيل
  • الفرح-الجزء الرابع
  • الفرح-الجزء التالت
  • الفرح-الجزء التاني
  • الفرح – الجزء الأول

Copyright © 2023 · Modern Blogger Pro Theme By, Pretty Darn Cute Design